The Italian Club - Wine Bar, Steak House & Pizza Gourmet (已結業)

上個月同朋友幫襯過中環果間The Italian Club，食物、服務和環境都好好。知道佢哋啱啱係旺角開咗，所以一於再過黎試試。旺角呢邊地方比中環細，不過環境、燈光、音樂亦同中環差唔多。Drink menu 亦有好多款，有成幾十種唔同嘅紅🍷、白酒🥂，又有雞尾酒🍹🍸同意大利手工啤酒🍻任君選擇👍。今次我朋友叫咗好多食物，叫咗兩個頭盤，第一個係意大利飛過黎嘅紅蝦🦐，D肉質好正好香，同香港嘅蝦好唔一樣，值得一試！第二個係牛肉TaTa ，我超鐘意食呢個生牛肉，質素好高，好好食😋！之後食咗佢哋home made 既肉醬pasta 🍝 ，味道好濃，麵條質地好好，好正中。主菜食咗steak 🥩， 今次揀咗肉眼朳，佢哋用熱石板上連四種唔同既sauce，真係好得，我覺得牛朳係呢度必食既選擇。最後當然就食埋佢哋好出色嘅甜品-Tiramisu啦！呢餐食得好開心，好舒服又好飽。因為係旺角要揾到好質數，好服務又坐得舒舒服服嘅餐廳真係好難，呢度真係值得推介！