LAB10 (裝修中)

🚩Lab 10朗豪坊呢個商場嘅餐廳真係越開越多～同朋友成日經過依間烤肉店都冇入去食，難得今日突然間想食燒肉就約咗男朋友過嚟呢邊食！不得不讚嘅係佢嘅無煙燒肉真係一啲煙味都冇，成餐飯食完出去都唔會有油煙味，搭車都唔驚尷尬〰️〰️〰️〰️〰️〰️〰️〰️〰️〰️〰️〰️〰️〰️〰️🌈基本任食套餐 $298呢個套餐大致上就已經可以食勻晒所有豬牛羊海鮮，唔食牛嘅朋友可以簡低一個Level，價錢會再平啲🤤一上到嚟唔使擔心邊隻牛先好食，因為店員會上一個牛肉拼盤，你每樣食少少就知邊個最好食，之後就可以主打嗰款啦！安格斯牛板腱嘅油脂分布好靚仔😍燒到啱啱好，入口就好嫩！另外佢嘅梨汁牛五花都好有驚喜，牛肉薄薄一件，好淋🤤撈埋飯食就一流！講起飯估唔到呢度有鵪鶉蛋紫菜飯，真係有少少牛角feel！佢嘅紫菜份量超級多，加埋啲牛肉落去，極速食完一碗～佢哋嘅泡菜都好好食，唔算好辣，調味啱啱好，夾埋啲肉食㗎！自助區裏面仲有棉花糖俾你地拎，記得叫店員換咗個烤盤先好燒棉花糖啊‼️🙌🏻