捌加廿陸天婦羅居酒屋

營業中

休息中

傳統和現代融合的日本餐廳，燈籠映襯著木質桌椅，融入奇怪，Hip Hop音樂，讓您在熱鬧氛圍中感受真正的日本風情。影相打卡一流。食物方面，簡直令人大失望。首先講吓佢嘅主打天婦羅所有食物同埋佢外面炸嗰層，可以話係完全分開的。食物還食物，粉還粉。完全唔覺得自己真係食緊天婦羅。 所有嘅海鮮都係會食得出雪藏嘅味道。 外面嗰層嘅炸皮，一啲脆口嘅感覺都冇。天婦羅嘅汁亦同食物無衝擊。烏冬嘅湯底很基本，唔係難食，但係你會覺得佢冇誠意。湯底係好明顯係用某啲汁沖出嚟。烏冬嘅面身也一般，欠缺煙靭同埋爽口嘅感覺。基本碳水化合物組件。麵豉湯係最離譜嘅一環真係淨係用粉沖，前少少嘅豆腐同埋紫菜可憐吓我都冇。比較出色，要讚嘅係個橙唔太甜唔酸很爽口😃食到一半嘅時候，發覺冇咗一件炸物，然後問先知原來賣晒但係又唔講，賣單之後又冇單可以對返自己叫過咩，不過員工態度有禮。結論唔會再來。除非你好鍾意排隊，同埋鍾意食唔似天婦羅嘅天婦羅。