影片
更多
2017-03-31
579 瀏覽
每日午飯時間都會見到有好多人係意樂出面排晒隊，諗住佢既午餐一定係好食又抵食先會咁多人等位，但今次去食午餐既經歷實在係太失望，點都唔會再黎！一坐低就叫左兩個午餐，跟餐有兩碗湯，我同朋友叫左一個雜菜湯一個忌廉湯。雜菜湯一黎到既溫度只係微暖，唔夠熱。而且個人比較鐘意酸味重少少既雜菜湯，但呢碗湯味道好甜，完全無酸味，所以感覺一般。磨菇粟米忌廉湯反而唔錯，入面有好多蔬菜蓉，質地杰身，同埋幾濃味。鮮茄烤豬扒焗珍珠飯好快就黎到，我地平時都算食得幾酸，但係都仍然覺得佢既蕃茄汁好酸，唔食得酸既朋友真係唔好叫。重點係食食下竟然發現有生豬肉，係完全粉紅色未煮熟既生豬肉，真係好嘔心。同侍應反映完之後，佢收起左我地碟飯，然後只係換過一塊新鮮炸起既豬扒比我地。另一位貌似高級少少既侍應黎了解完之後，只係叫果位侍應拎返頭先碟飯出黎比我地送塊新鮮豬扒食，但係啲飯已經掂過啲生肉，仲點樣食得落？最後經理都出埋黎了解情況，佢提議不如重新煮過一碟焗豬扒飯比我地，但我地已經無晒胃口，完全食唔落，佢就話送返杯野飲比我地補數。由於已經乜都食唔落，我地就求其要杯凍朱古力算。果時太嬲，到差唔多飲完杯野先記得影返。蛋黃煙肉卡邦尼長通粉既份
一坐低就叫左兩個午餐，跟餐有兩碗湯，我同朋友叫左一個雜菜湯一個忌廉湯。
雜菜湯一黎到既溫度只係微暖，唔夠熱。而且個人比較鐘意酸味重少少既雜菜湯，但呢碗湯味道好甜，完全無酸味，所以感覺一般。
磨菇粟米忌廉湯反而唔錯，入面有好多蔬菜蓉，質地杰身，同埋幾濃味。
鮮茄烤豬扒焗珍珠飯好快就黎到，我地平時都算食得幾酸，但係都仍然覺得佢既蕃茄汁好酸，唔食得酸既朋友真係唔好叫。重點係食食下竟然發現有生豬肉，係完全粉紅色未煮熟既生豬肉，真係好嘔心。同侍應反映完之後，佢收起左我地碟飯，然後只係換過一塊新鮮炸起既豬扒比我地。另一位貌似高級少少既侍應黎了解完之後，只係叫果位侍應拎返頭先碟飯出黎比我地送塊新鮮豬扒食，但係啲飯已經掂過啲生肉，仲點樣食得落？最後經理都出埋黎了解情況，佢提議不如重新煮過一碟焗豬扒飯比我地，但我地已經無晒胃口，完全食唔落，佢就話送返杯野飲比我地補數。由於已經乜都食唔落，我地就求其要杯凍朱古力算。果時太嬲，到差唔多飲完杯野先記得影返。
蛋黃煙肉卡邦尼長通粉既份量都算多，卡邦尼汁既味道都算香濃，但可惜個汁煮得太過杰身，食落有啲乾。入面好雜菌，煙肉同洋蔥，都算足料。長通粉煮得啱啱好，口感彈牙唔會太過淋，算係不過不失。雖然以呢個價錢黎講，意樂既午餐算係ok抵食，但今次食到生豬肉已經對我同朋友造成太大陰影，實在係太嘔心，應該唔會再黎。食物既衛生同侍應既服務態度都有待改善！
張貼
