影片
更多
2017-08-07
112 瀏覽
首先我要喺呢一度講下，今次晚飯嘅背景，係呢一餐泰國菜之前嘅三日我去咗旺角通菜街一間聽講話超級好食嘅地道泰國菜食咗一個晚飯，當日嘅食物除咗條燒魚係好食之外，真係唔識再去形容其他。然而當日一餐旺角泰國菜令到我有啲失望。朋友再約我食泰國嘢其實我好想推，因為我好怕下一餐又係好似旺角個一餐咁差。首先想你之前冇咩期望，因為我知道狗毛係一間酒吧。朋友同我講係泰國嘢我有小小質疑。然而上到去的確係酒吧，不過晚市佢哋係做緊泰國人主理嘅泰國菜，首先點左兩杯野飲芒果沙冰超美味，用上新鮮芒果打製，fresh 到爆至於我咁鍾意薄荷葉，點左個冇酒精嘅Mojito ~ 青檸糖水薄荷葉三者平均，都係好清新最適合呢啲炎熱嘅天氣。前菜點左個燒豬頸肉 嚟到嘅時候我問 呢一個真係一個前菜？份量應該個主菜來個喎？超級大份嘅燒豬頸肉，配上唔係好辣嘅自家秘製泰式醬汁，淨係睇呢個醬汁，就知道係自家製唔係隨便開樽醬到俾你。唔算太辣但係釣到豬頸肉嘅香味。豬頸肉唔會過肥。好正好惹味。食完豬頸肉有少少覺得罪過，即刻點左個柚子沙律，有子沙律配大蝦，重點不在大蝦，在新鮮泰國柚子肉，配上可愛嘅少少櫻花蝦，炸蒜，而最正嘅就係落咗炸椰子肉，令到成個有子
朋友再約我食泰國嘢其實我好想推，因為我好怕下一餐又係好似旺角個一餐咁差。首先想你之前冇咩期望，因為我知道狗毛係一間酒吧。朋友同我講係泰國嘢我有小小質疑。
然而上到去的確係酒吧，不過晚市佢哋係做緊泰國人主理嘅泰國菜，首先點左兩杯野飲
芒果沙冰超美味，用上新鮮芒果打製，fresh 到爆
至於我咁鍾意薄荷葉，點左個冇酒精嘅Mojito ~ 青檸糖水薄荷葉三者平均，都係好清新最適合呢啲炎熱嘅天氣。
前菜點左個燒豬頸肉 嚟到嘅時候我問 呢一個真係一個前菜？份量應該個主菜來個喎？
超級大份嘅燒豬頸肉，配上唔係好辣嘅自家秘製泰式醬汁，淨係睇呢個醬汁，就知道係自家製唔係隨便開樽醬到俾你。唔算太辣但係釣到豬頸肉嘅香味。豬頸肉唔會過肥。好正好惹味。
食完豬頸肉有少少覺得罪過，即刻點左個柚子沙律，有子沙律配大蝦，重點不在大蝦，在新鮮泰國柚子肉，配上可愛嘅少少櫻花蝦，炸蒜，
而最正嘅就係落咗炸椰子肉，令到成個有子沙律嘅香味除咗有柚子之外仲帶點椰香。不得了的地道口味。
主菜呢我哋呢就點左個完個菠蘿炒飯，炒飯配料10分之多，重點係用咗好多新鮮菠蘿，每一啖都有新鮮菠蘿，配上咖喱粉炒過嘅飯底，仲有菠蘿嘅好朋友提子乾，肉鬆腰果以及其他材料，疊到山咁高，呢個炒飯好抵食。
兩個人一個前菜一個沙律一個主菜已經飽到食唔落，價格仲十分之實惠，兩位都係講緊＄400左右。我要多謝狗毛呢一個泰國菜令到我被創傷嘅泰國菜心癮重燃。
順帶一提呢度嘅午餐好抵食仲有呢個我極力推薦嘅柚子沙律，好適合附近嘅OL。
張貼
