一葉台灣料理

營業中

休息中

唔講你又點會估到，原來鰂魚涌呢啲地方都會有間正宗台灣料理！一間真台灣菜唔單止菜式夠台灣味，裝潢、氛圍、伙記都一樣充滿住台灣味。金莎炒四季豆，超重蛋黃味，十分惹味，配白飯一流！台式肉燥飯，啖啖肉燥，絕對冇揸流灘，完全同係台灣食既冇乜分別。鹽酥雞又係一絕，新鮮炸出黎，唔會太乾，有肉汁 ，食完一舊會想即刻食另一舊。蒜頭配台灣腸又係冇得輸，如果想感受下正宗台灣風味，不妨試下咬一啖蒜頭一啖腸，但未必個個接受到就咁食蒜頭😂價錢方面絕對係合理，正宗台灣菜黎講一定唔算貴。環境衛生整潔，食完坐多陣，同朋友傾下計完全冇問題。份量唔細，唔會係搵人笨果啲，鐘意食台灣菜既朋友，絕對可以黎試下！