茶佬 (已結業)

茶飲店的款式都少不了珍珠奶茶、水果茶、奶蓋、純茶呢幾款常見系列，所以如果我去一間從未幫襯過的茶飲店，我會特別留意舖頭有無自家創作的特別飲品，而呢間位於荔枝角的茶飲店居然有呢款名為「蜜桃甘露」的飲品，咁特別，梗係要試試佢！蜜桃甘露 $45必試！飲品以真‧蜜桃果肉去調製而成，所以飲嗰陣會食到桃肉粒粒，感覺幾fresh。如果你鍾意食蜜桃的話，甜度不妨可選擇微糖或無糖，更能品嚐到蜜桃的原始微甜，正！滿杯水果茶 $45水果茶相當足料，有百香果、西瓜、橙等等，好豐富，亦好解渴。店員仲特別提供叉子畀你食埋飲品入面的生果，正！茶種可選綠研/四季春。紫薯鮮奶 $45紫薯+鮮奶呢個配搭一向都無得輸，加埋紫米的話，為飲品添加糯米的軟糯口感，幾好。