影片
更多
2024-03-25
158 瀏覽
啱啱睇完話題韓劇🎬《請和我的老公結婚吧》大結局，突然好想食韓國嘢，happy Friday 約friend子旺角開餐見到呢間Yadllie Plate 午餐有優惠幾抵(平日六點前埋單有七折！🤑）go! 去年荃灣店新開食過一次唔錯，哇，原來兆萬中心呢間店開左成七八年咁耐，有返咁上下歴史喎. 唔止咁，韓國有成幾十間分店，真係堅. 過江龍. 飲品都幾多花款，我哋叫左藍橙荔枝梳打同埋草苺乳酸梳打，全部賣相幾夢幻可以打卡📸飲落果味足梳打夠汔，味道清爽解喝. #半半炸雞一次過試兩隻味滿足吃貨所需，點左大邱辣醬🌶️同蔥蒽味. 啲走地雞雞🐓全部韓國空運到港，雞肉脂肪少肉質嫩滑而結實，炸粉薄吸油脂少，配合特製發酵醃製技術及秘製調味更能完美鎖住肉汁，食得美味健康, 仲係100% 手做，加分. 大邱醬入口先甜後辣愈食愈辣夠過癮不過都偏辣，蔥蔥味皮脆大量香蔥加埋新鮮檸檬汁味道更清香. 伴碟蕃薯條🍠香甜帶甘食落夠粉仲有醃蘿蔔酸酸地間場好好味. #魚介湯鍋見網上最多好評係呢道菜梗係要試吓啦，好大盆連火爐上，清甜醬油湯味濃好豐富足料，有齊一串串韓式魚糕、魚腐、豆腐、雞蛋、白蘿蔔、蔬菜、京蔥絲等，年糕係最正口感好煙韌又
飲品都幾多花款，我哋叫左藍橙荔枝梳打同埋草苺乳酸梳打，全部賣相幾夢幻可以打卡📸飲落果味足梳打夠汔，味道清爽解喝.
#半半炸雞
一次過試兩隻味滿足吃貨所需，點左大邱辣醬🌶️同蔥蒽味. 啲走地雞雞🐓全部韓國空運到港，雞肉脂肪少肉質嫩滑而結實，炸粉薄吸油脂少，配合特製發酵醃製技術及秘製調味更能完美鎖住肉汁，食得美味健康, 仲係100% 手做，加分. 大邱醬入口先甜後辣愈食愈辣夠過癮不過都偏辣，蔥蔥味皮脆大量香蔥加埋新鮮檸檬汁味道更清香. 伴碟蕃薯條🍠香甜帶甘食落夠粉仲有醃蘿蔔酸酸地間場好好味.
#魚介湯鍋
見網上最多好評係呢道菜梗係要試吓啦，好大盆連火爐上，清甜醬油湯味濃好豐富足料，有齊一串串韓式魚糕、魚腐、豆腐、雞蛋、白蘿蔔、蔬菜、京蔥絲等，年糕係最正口感好煙韌又入味，拮住竹簽食好有街頭風味. 一大班人食仲正.
#八爪魚煎餅
餅皮煎得好香唔會咬落成舊粉咁，八爪魚粒夠咬口每一件都咬到分佈平均，加埋香濃韮菜同特製醬汁食，簡單而美味，我至愛.
食完熟鍋同炸物一定唔少得叫返啲冰涷甜品降下溫啦，有好幾款不同口味可供選擇，全部好靚好想叫曬嚟打卡，可惜只得兩個胃😮💨試住兩款先.
#士多啤梨雪冰
滿滿士多啤梨片🍓配上雲里嗱雪糕球仲有牛奶刨冰🍧，頓時回復年青😊.
#蜜瓜雪冰
鮮甜蜜瓜🍈波波加埋棉棉刨冰🍧仲有枝melona 蜜瓜雪條點綴，冇得輸.
整體食物飲品甜品都唔錯👍，坐得舒服，旺角嚟講價位唔算平不過有七折就好值得試試❣️
張貼
