港島東體育館泳池餐廳 (已結業)

我哋以前都有久唔久去港島東游泳池游水(其實游唔到，因為池水太淺太細，而且太多玩水的人左穿右插)，不過就未曾嚟過游泳餐廳。星期六晚冇乜idea，忽然諗起這裏，就不妨試吓。7點幾還是小貓三四隻，傾偈啱哂，窗口位任坐，看看泳客嬉水算是一項娛樂。叫咗兩個套餐：鮑片狗仔粥+咸肉粽($24)和薑蔥豆豉滑雞煲($28)。狗仔粥其實係銀針粉，料就有蝦米、冬菇和唔知係乜嘅鮑片。好杰的湯，味道相當濃，味精應該落咗好多。鮑片就好硬好韌，唔掂！反而咸肉粽鬆化好味。煲仔菜啲雞幾滑，不過冇乜薑蔥豆豉嘅香味，一味多汁，足夠你當湯飯食。餐飲可以選擇特飲，所以奶茶之外，我哋要了一杯西柚果纖蜜。柚子蜜加一片檸檬，幾好味舒服。Overall拉勻勉強俾佢ok。