FRITES Belgium on Tap (曦巒) (已搬遷) 新店位置

開門見山，最有睇頭就係哩個原隻龍蝦意大利燴飯， 可惜雷聲大雨點小，200幾蚊一碟，裡面有少少龍蝦肉，但唔覺好多， 有懷疑過係咪真係足料原隻，但蟹鉗的確啖啖肉。不過個飯真系太鹹， 掩蓋咗龍蝦嘅鮮味。鬼佬煎牛排炸薯條一定唔會差得去邊， 可惜都冇乜出色位，叫左medium rare， 雖然係幾juicy，但係好似唔夠肉味。 薯條同麥當勞差唔多，講唔出有咩特別。總括而言， 食物份量係夠大， 餐廳係海旁附近都幾有氣氛， 不過呢個價錢，加上呢個質素有少少失望，而且睇唔出邊度有比利時特色。。。可能target customer 都係旁邊豪宅住戶隨便落樓吃個便飯姐。