合十 (已結業)

今次喺觀塘區眾多工業大廈中 ，揀咗一間有質素而又特別嘅餐廳，裝修新穎，頭頂有滿天星嘅燈飾，夜晚都有幾分浪漫，適合情侶撐枱腳。嘢食方面，頭盤有芝士拼盤 ，巴馬臣芝士，藍芝士等配上多士同少少醃菜，開胃之餘又可以配酒。主菜有巨無霸豬扒，真係好大塊，差唔多大過塊面，肥瘦均勻多汁，絕對推薦，嘢飲有名叫粉碎性骨折嘅Lime soda Mocktail ，裏面有雲呢拿雪糕同埋接骨木花幾Creamy 特別，仲有杯叫多一士不如少一士，即係士多啤梨乳酪沙冰，唔會太酸 ，容易入口。最後甜品有佢招牌嘅玫瑰伯爵茶奶蓋瀑布蛋糕，伯爵茶味濃，蛋糕偏濕有口感，仲好適合用嚟打卡。