石之牛石板日式料理 (已結業)

係深水埗竟然開左間石板燒牛扒，真係好出奇。今日行完黃金，朋友約黎食呢間石之牛石板日式料理，一向都唔知深水埗會有咁正既牛扒食，今日真係要見識下。 黎到見到，原來佢都好自助式。 牛扒有好多選擇：和牛，牛小排，牛肩胛，西冷，等等。而除左牛都仲豬，雞，同鰻魚。 仲有埋一人火鍋，真係好特別。 店員又好有耐心解說，最後我地簡左牛小排同西冷。咁係我地等緊時，店員就比左兜沙律菜比我地，可以自己去加醬料，再自己shake。 沙律醬好新鮮，自己加醬可以唔怕太重味，加上自己shake,真係好得意。 而佢既飯，湯都係要自己裝。玩完沙律，見到塊扒都燒得差唔多。 肉質好新鮮，肥瘦適中。 自己加埋海鹽同黑椒就食得。 好好味，唔會話驚燒過頭過熟。 以前試過第二度食唔到一半都會熟得制，但呢度就唔會。呢間真係好唔錯既石板燒牛。