永華麵家 (已結業)

其實香港地備受歡迎嘅店真係唔少，每個人身邊或多或少都有一d好食又抵食嘅店，永華係我心目中，就係一家好食嘅店，不過唔算抵食，一碗細細細碗嘅雲吞麵四十幾，真係覺得有些小貴，特別係我呢种大胃王喇，食唔飽吖！不可否認，味道係正！雲吞皮薄，餡大，蝦仁新鮮，豬肉新鮮，整出來嘅雲吞當然都好食喇！湯味道都幾好味，撈著d竹升麵真係正，竹升麵比較硬身，彈牙，真係好正！以後可以試下清湯麵，肯定都同樣好食！陳皮紅豆沙，其實我鐘意用陳皮來煲綠豆沙，紅豆沙同陳皮就比較少，不過紅豆沙真係幾原味，有d陳皮嘅清香，都幾可以！蝦子撈麵，麵比較香口，蝦子好多吖，麵好正！