碼頭故事 (已搬遷) 新店位置

同朋友講左好耐想食火鍋，咁我就帶佢去尖沙咀呢間嚟自成都一間正宗嘅火鍋店。餐廳既裝修好影響客人既觀感，我地一入到去已經感受到個氣氛同裝修好古色古香，有古代茶樓既風味。漿料方面就有蒜蓉，蔥粒，芫荽，同一罐麻油，蠔油，醋，可按照個人喜好加減配料，然後攪勻，我自己就少落醋，因為怕酸，而且食慣配料都係鹹味。我地揀左蕃茄鍋，餸菜方面，由於我哋兩個都好肚餓，所以叫下叫下都嗌左好多野食。首先係安格斯肥牛，睇落已經覺得好碟，牛肉油花均勻，肉質嫩滑，又唔韌，食落有濃郁既牛味。跟住叫左精選五花肉同埋羊肉卷。五花肉肥瘦相間，肉味香濃。而羊肉卷肉質細嫩，食落又唔覺得羶。另外仲叫咗脆炸魚皮，耗魚兒，宜賓小香腸同日本蟹子丸。魚皮即炸即上，淥兩下就食得，耗魚兒魚肉嫩滑，但要小心啲細骨。宜賓小香腸食落似臘腸，但比臘腸細條啲，打邊爐食好似怪怪地。最後我哋仲叫咗兩碗紅糖冰粉，食完鹹野食返甜品調劑下，冰粉非常清甜，食完透心涼。