埠 (已結業)

平時好少過黎西灣河，呢日黎探住喺附近既朋友，我地去左一間喺正西灣河碼頭旁邊既日式餐廳食晚餐。呢間餐廳喺正碼頭旁，我地又坐喺窗口位，所以風景一流，一望出去就係廣闊既海景！打開餐單，見到有好多好正既日本菜，包括係沙律、漬物、肉類、主食、甜品等等。我地點左煙薰鮭魚乾，呢個鮭魚乾燒得好惹味！另外，仲點左紫蘇紅菜頭大根沙律，呢個沙律味道清新，紅菜頭切成細絲，refreshing又好味道！前菜仲點左漬物三點盛，入面有牛蒡醬油漬、紅酒喬頭漬同埋螢光魷魚漬，好豐富！主食方面，我地點左松葉蟹肉鍋燒烏冬，蟹肉都幾大件，烏冬好彈牙，口感超好，湯汁手亦都好正。燒物方面，我地點左A5和牛同埋鵝肝雞翼。A5和牛肉味香濃，汁多肉嫩，雞翼入面既鵝肝亦都好肥美。