一哥點故 (已結業)

去到邊都要叫既春風得意腸，哩份重要係有蟹子既。一份有成10粒，兩個人食都夠曬呀，味道不錯。另外，食點心就一定要叫懷舊燒賣皇啦，一份四粒，都幾大粒，入面都粒粒蝦肉架仲有XO醬菜苗餃，清新得黎又惹口，好食！我最鍾意就係哩個千島醬脆皮蘿蔔糕，平時香煎或者清蒸蘿蔔糕我都超鍾意食，炸既就比較少見，重要配沙律既best friend 千島醬，真係好特別，超好味呀。最後就係哩期既限定，龍蝦湯鮮竹卷啦，好特別又清新，件件都好大，食完真係夠皮啦哈滿足！