百子樓 (已結業)

今晚第一次朋友帶我去一個神秘地方食飯, 環境十分舒適, 有戶外位可以坐, 但我地選擇佐坐入面, 睇一睇餐牌, 選擇十分之多, 有雞煲, 又有中式小炒, 最估佢唔到就係有泰式燒烤, 我地點了店舖推介既奇味雞煲, 好野味, 又點佐豆腐魚雲湯, 濕下口, 估唔到個湯好鮮味, 唔腥, 豆腐又好滑, 再黎個芝士蝦伊麵, 嘩~呢個不得了, 原隻鮮蝦仁, 配埋濃厚既芝士伊麵, 簡直一絕, 跟住緊係試下佢個泰式燒烤, 我地點佐串燒牛同雞, 掂, D沙爹汁堅正宗泰國沙爹味, 再點埋牛柳粒, 好有牛肉味, 又唔un, 好juicy, 出餐速度都快, 係燒烤耐D, 不過都正常, 因為佢地係新鮮燒, 唔係好似出面個D餐廳咁走一走油再燒, 真心值得推介