安南 (利園) (已搬遷) 新店位置

一入到見到個裝修好有格調，影相一流，氣氛好高級！後邊一排排紅酒排哂係度好有氣勢! 開始仲以為好貴，但望過餐牌就覺得好驚喜好意外，價錢都好正常！ 叫野食時唔知揀咩好，員工好有耐心咁介紹招牌菜。我地叫左芝士燒蠔、蒜蓉牛油燒青口同咖哩汁豬扒焗珍珠飯。之後唔夠喉再叫左個煙肉車厘茄串同牛柳粒串。芝士燒蠔一黎就熱辣辣，未食已經聞到陣芝士味，超吸引，d蠔好新鮮冇腥臭 味。青口好大碟好足料！個飯有超大塊芝士係上面，唔膩之餘同咖哩又夾。食完仲想叫多次！ 最後到食串燒既時間～煙肉燒得好香脆唔油，車厘茄既酸中和番d滯。牛柳粒串唔會燒到老，唔un又juicy，燒汁好香，味道更加唔洗講。整體好滿意，餐廳環境理想乾淨，上菜速度好快，相同食物相差唔遠。下次會再黎同fd gathering。