紅豆廚房

營業中

休息中

平日嘅中午一點倒去到，呢度要揸車先嚟到，所以星期六日都幾多人嚟，有時可能冇車位添。呢度嘅餐廳大部份都有露天位，因為方便帶寵物既食客同食煙既客人。呢間餐廳以前好似係私房菜，而家晏晝都有做，但係感覺上好似普通茶餐廳咁。我哋一去到就有位，侍應服務都好好，笑容可親。我哋叫咗個蔥油手撕雞煎蛋飯同埋蔥油豬扒煎蛋飯。分量正常唔算大碗。蔥油好香，撈飯一流。手撕雞本身冇咩味，但係都幾滑同埋雞嘅份量都足料。太陽蛋煎到脆邊👍🏻。佢塊豬扒唔算厚但係好大塊，食落幾軟熟唔會乾身。值得一題杯凍咖啡幾好飲。