東煮友喜私房菜 (已搬遷) 新店位置

東煮友喜私房菜難排就一定知，而家仲要無晚市，想食有乜辦法？咁咪將佢帶番屋企食。限定4人套餐有幾個首本名菜，係屋企食同現場食感覺一樣，帶去同未食過嘅家人朋友分享最好。芥末麻香花膠冰鎮南非鮑魚鮮青檸口水雞羊肚菌花菇豆腐黃金粒荷葉飯薑茶芝麻湯圓後面四樣其實我都未食過，反而個青檸口水雞好驚喜，羊肚菌花菇豆腐都做得好好，我自己加少少生菜點綴下仲正，黃金粒荷葉飯加上鹹蛋同無窮無盡嘅蝦同雞粒，勁好食，餸仲多過飯，食得好鬼滿足。如果你未試過，值得試下呢個私房菜限定四人餐，聽老闆娘每日限定做，仲有因疫情關係做到20號，未知之後仲有冇，想食就快手。