火舞町 (已結業)

好耐一段時間無去九號水產，今日再訪原來開左好多新餐廳，其中一間火舞町好似幾吸引甘，一於試試佢！😜呢度坐得幾舒服，基本上都係卡位，而且menu都幾多款式，尤其和牛龍蝦套餐宜家做緊首20名 $288優惠，超級抵食👍🏻小食螢光魷魚同魚子醬豆腐開胃小食黎講都唔錯， 調味幾好；刺身盛都算幾厚切，而且味道都新鮮👌。係我地等緊龍蝦尾到果陣，實在太餓，又見佢有款火舞棒菜式好特別，忍唔住叫左２客。 賣相精緻， 原來火舞棒就係是棒狀既大阪燒，再配上唔同既topping，叫左原味同蟹肉，原味係好香濃既大阪燒味，熱辣辣好滋味，蟹肉就係面頭加左蛋黃醬同蟹肉，清新得黎又邪惡美味🤣🤣。A4西冷厚燒都真係幾厚切，自行再加脆卜卜蒜片， 入口軟嫩，牛味濃郁， 鮮味的肉汁填滿味蕾🐮。必須一讚既係佢個鯛魚湯，以為只係普通面豉湯，但原來好鮮甜好濃魚鮮味，好好飲🤤🤤🤤！不過有D失望既係最後因為order 搞錯左食到最尾發現原來賣晒龍蝦尾，變左鐵板牛油燒鮑魚，不過錯有錯著，鮑魚成隻上好肥美，燒得好香口，爽滑彈牙既口感都值得一試🤭！