圃鍋 (已結業)

中午去開灣仔就去左圃鍋食午餐！去到先知有外賣優惠，自取只係$65仲送口罩同洗手液😱 問一問店員，佢話堂食都可以送埋俾我。見位置鬆動，人亦不算多，同朋友坐低試一試。我叫左黑醋黑豚肉（$88），朋友叫左蜂蜜柚子明蝦球（$88）。兩個餸都包埋湯同飯，酸酸甜甜，十分開胃！黑醋黑豚肉完全唔肥，食落脆口，個人事分推薦👍🏻朋友食既蜂蜜柚子明蝦球炸得出色，唔厚炸粉，食落唔會成口油。兩個餸都好好送飯！雖然有收加一茶芥，不過食滿$100減$35！埋單都係約$150，呢個質素同環區算好抵！