Waffills (已結業)

朕心血來潮，特然想過港島遊歷，坐一坐丁丁，感受一下悠閒既感覺。遊下遊下就到左下午茶時間，特然又好想食－丹麥豬扒飽，於是就行左過去，諗住再嚐滋味，點知行到過去，竟然下半閘，咁唯有行下睇下有咩野食啦，點知行前少少，就俾我睇到呢間－Waffills！最初朕仲以為呢間野係食甜點，但係望一望個餐牌－咦！有鹹野！！！入到去有個洋人同我講野，我當然係唔知佢講乜啦，佢跟住就俾左個餐牌我睇，上面寫住洋文，Must Try！我都唔知啲洋文點解，不過手撕烤豬肩肉暖心窩夫睇落又好似幾特別，一於叫呢個啦！一般遮民都覺得窩夫係要配雪糕既，不過當你食完呢個手《撕烤豬肩肉暖心窩夫》之後，可能會張你地呢個想法改變，個窩夫即叫即制，新鮮熱辣，一口咬落，窩夫外脆內軟，而入面既手撕豬肩肉係用秘製既燒烤醬汁煙熏烤焗，令到入面既肉可以一口就撕開，另外再在窩夫裏面加入忌廉芝士同埋蘋果粒，令到你食落去既時候可以食到窩夫既脆，豬肩肉既嫩，忌廉芝士既香滑，同埋蘋果粒既酸甜，所有材料配合得恰到好處，令到朕以後都覺得窩夫係應該食－－－鹹既！！！！！－－－－－完－－－－－