影片
更多
2014-09-03
1905 瀏覽
週末真係唔敢來呢啲主題餐廳！因為大排長龍，自己不是呢隻唔知人定貓嘅粉絲！只趁今日肥髀放早學，我放假接放學後，帶肥髀到呢度等開門，之前上openrice睇過熱食一般！所以去咗鐵皮檔醫肚先！只係為咗甜品而來！閒日真係唔同，去到我排第三！在門影下相，店員好窩心安排櫈同電風扇比我們坐住等！地方好細，以木傢俬為主，比較田園感覺（有放埋花藍單車）到1200店員安排入座！餐廳門口右邊係吧枱，左邊係桌椅！（全部有hello kitty公仔）在我坐低之後！店員因為有其他四人客人，而要求我轉位！我都無所謂！佢都好好禮貌咁問！我同肥髀每人叫一件蛋糕同飲品！雜莓慕絲蛋糕：肥髀叫的，每件蛋糕上都有Hello Kitty朱古力牌，呢款個粉紅色好靚，怎知肥髀食完唔鍾意呢種味道，同我交換食，我都怕好假的藥水味道！好在又唔係，味道偏酸，外面慕絲滑，中間有蛋糕及雜莓果醬，間中會食到莓嘅籽！卜卜脆！唔錯！香蕉朱古力球--落單時雪櫃未有呢款蛋糕，店員問其他店員，未去攞返店，店員都好好照落單！然後派人去取蛋糕（好明顯係交貨）樣子好靚，外層朱古力好濃，偏苦，係成人口味，肥髀唔算鐘意（因為無清碟）中間蛋糕鬆軟，配軟滑香蕉肉都夾，好
閒日真係唔同，去到我排第三！在門影下相，店員好窩心安排櫈同電風扇比我們坐住等！地方好細，以木傢俬為主，比較田園感覺（有放埋花藍單車）到1200店員安排入座！餐廳門口右邊係吧枱，左邊係桌椅！（全部有hello kitty公仔）在我坐低之後！店員因為有其他四人客人，而要求我轉位！我都無所謂！佢都好好禮貌咁問！
我同肥髀每人叫一件蛋糕同飲品！
雜莓慕絲蛋糕：肥髀叫的，每件蛋糕上都有Hello Kitty朱古力牌，呢款個粉紅色好靚，怎知肥髀食完唔鍾意呢種味道，同我交換食，我都怕好假的藥水味道！好在又唔係，味道偏酸，外面慕絲滑，中間有蛋糕及雜莓果醬，間中會食到莓嘅籽！卜卜脆！唔錯！
香蕉朱古力球--落單時雪櫃未有呢款蛋糕，店員問其他店員，未去攞返店，店員都好好照落單！然後派人去取蛋糕（好明顯係交貨）樣子好靚，外層朱古力好濃，偏苦，係成人口味，肥髀唔算鐘意（因為無清碟）中間蛋糕鬆軟，配軟滑香蕉肉都夾，好味！
芒果沙冰--都幾大杯，上面有鮮忌廉，沙冰芒果味唔濃，沙冰較粗，好在加了忌廉都補回少許滑溜感覺！
夏日綠茶--只是一杯茶包沖出嘅熱茶！好在茶葉都香！茶包亦好精緻！但幾細杯，其實一個茶包沖咁細杯茶好浪費！如果加多次水就好！
部分店員明顯新手！因為問了我兩次：「落咗單未？食物到齊未？」不過係有禮貌的！
主題餐廳上至擺設，下至收據都有Hello Kitty樣子！粉絲一定喜歡！不過坐得真係好迫！基本上背對背貼住！出入一定要其他客人遷就！而我轉位坐近門口！趟門經常打開，所以較熱！兩件蛋糕兩杯飲品要二百蚊唔抵食！
張貼
