築地GINDACO (裝修中)

喺太古呢邊冇乜街頭小食，要去到太安樓嗰邊先有得掃街，突然口痕好想食小丸子，就嚟咗apita呢度食，仲有得嘆冷氣，係OK嘅。除咗小丸子佢仲有大阪燒，不過都係小丸子最好食，平時都會嗌個set，連埋個抹茶牛奶，都係$3x到，抵食啲。個小丸子唔使講，有大大粒章魚，上面有蛋沙律，食幾多次都覺得好好食，雖然有時會唔係好夠熱，不過大部份時間都係熱辣辣，好味！另外，個抹茶牛奶就一時時，有時佢啲抹茶粉落太多，但同時又太甜，搞到杯野又澀又甜，怪怪地。