發記海鮮

營業中

休息中

7月1日～5個C9去屯門一天遊，因為係第一次嚟三聖邨，食晚飯唔知邊間好食，喺open rice 無意中揀左發記海鮮幫我訂位，大約7點20分去到發記，由 Michael親自介紹有乜好食，我地揀左兩板海膽，一扎蟶子，三隻瀨尿蝦，唔知秤左幾多花甲，5隻扇貝，俾左錢之後，Michael 帶我地去青山灣漁港酒家， Michael安頓好海鮮就返番去海鮮檔，大約8點，靚女服務員帶我地入座，我地將海鮮點食法同服務員講，再點左鮮尤、通菜、青山灣炒飯，加兩支青島啤，首先要贊發記海鮮，海鮮平貴唔係問題，而係要多謝Michael 服務好，接聽電話個靚好有耐性引導我地到目的地，青山灣漁港廚師真係無得頂，由其事炒蟶子，好食到耳仔郁，炒飯好食到唔知飽，整體我俾發記同青山灣漁港90分，我一定會再嚟！