Belly Soul (已結業)

昨日喺附近上堂，之前一晚專登搵餐廳食飯，呢間餐廳一直想試，所以終於有機會試啦。大約12:40到，等咗一段時間，初時以為因為佢即叫即整，所以咁耐。眼見到之後嚟嘅四個人都攞晒餐，去櫃檯問先知我張單漏咗。主食嚟到已經13:10，好急咁13:25左右食完沖去上堂，好彩只係遲到咗幾分鐘。印象中青咖喱雞胸野菌椰菜花飯唔錯，野菌有輕微炸過，脆脆哋。特濃朱古力一般，唔係特濃。生酮開心果芝士蛋糕冇開心果味，口感一般。整體完全享受唔到食物，應該唔會再幫襯。