平記麵家

營業中

休息中

睇完網媒介紹 又路經大埔 所以就去一去街市拜會平記見推介都係食蝦子雲吞撈 所以即刻就叫左一碟，因為同呀媽2個人 就再叫多個淨牛丸同油菜蝦子雲吞撈面一上枱已經知好足料 蝦子味勁香 不過都係睇餐牌先知原來都係有用豬油 不過一次半次就無所謂啦😁d麵話係老細整即竹昇麵，又話無鹼水味，所以決定第一啖食原味，見下真章。一食真係覺得好味過平時既潮州粉麵 個麵一d鹼水味都無 平時食面既我都中意落勁多醋，但係今次我都無落醋，一黎怕d醋會遮左d蝦子味， 二黎d麵唔洗用醋既酸味遮左平時食到既鹼水味。雲吞方面係細細粒 正宗細蓉 味道有d偏淡 不過一碟麵有6粒到 我覺得都算唔錯整體黎講，個人覺得食原味係最正講完麵到牛丸，牛丸就不過不失 都有牛味 算彈牙油菜 都係普通油菜睇網媒條片話老細推介自家製辣油，食辣之人既我緊係要試下。不過我覺得辣油麻麻，除左得個辣字，就無乜香味，同埋個辣油都幾咸，建議唔洗落甘多。環境方面，雖然一路食都見到有隻小小強係牆隔離走黎走去，不過係熟食中心，又無太要求環境，所以都算。