Grove Café

營業中

休息中

第一次食，睇個Menu好靚，食物種類又好豐富吸引，地方環境唔錯！我係點左「千層麵」+凍奶茶，而我屋企人係點左「紅酒雞飯」+熱阿華田。我哋去食嘅時間係1:30pm，所以唔係好多人，咁岩見到侍應所以我哋就搵咗位坐，差唔多行到個位時，有個男侍應見到我哋，就好有禮貌咁話：「隨便坐」，差唔多由頭到尾都係呢位男士應服務我哋。呢間餐廳係自己去點餐，之後佢哋會比個牌你，由侍應送餐。雖然等左差唔多10mins，有少少耐，好彩嘢飲黎先，可以飲下，我同我屋企人係睇緊一本雜誌，之後個男侍應送餐黎，喺我哋後面好有禮貌咁同我地講：「唔好意思，你地點嘅餐到咗」。雖然服務係好好，但啲嘢食真係好一般，我個千層麵好硬，同埋佢嘅味同一般出面嘅味道唔同（唔知係咪佢哋有唔同嘅整法或者材料，始終我都係第一次食），奶茶就同出面一樣都好飲，不過好似奶比較多（我冇落糖）。