鮨見 (已結業)

成日聽到電視、雜誌、朋友等講Omakase廚師發辦有幾正、食材有幾新鮮，難得出左糧，一於豪一豪佢，去試下有幾正先. 上網搵到依間叫鮨見好似唔錯，又唔算貴到離晒譜，於是約個朋友收工去試試！依間野係小本經營，只有一個廚師同服務員，細得黎裝修幾骨子，令人有一種放鬆同置身於日本既感覺.打開餐牌只有兩個餐選擇，而且廚師好大機會會根據當日既食材而改變，所以都幾充滿驚喜！廚師會由最清淡既食材慢慢去到後面越黎越重口味既食材咁安排野食，所有壽司、魚生都會即場係你面前整出來，而且廚師會用英文同你講解要點樣食，所以可以放心跟住廚師既指示去品嘗！廚師係日本人，而且好健談同風趣，成餐飯就係輕鬆既氣氛中度過，最後來一杯好邪惡既海膽伴飯，廚師仲同我地講，淨係依啲海膽已經要大約$500蚊😱😱😱如果想體驗Omakase既各位不妨去試一試！