影片
更多
2023-12-12
1452 瀏覽
食物正常發揮，係個酸辣湯有啲酸。-但-店員服務態度真係世界級！由點菜，傳菜，至到埋單，果幾位店員態度都惡劣到令我震驚。其實係幾佩服成間餐廳既店員們都統一地服務態度差-首先我地係叫左咕嚕肉，點知佢黎左咕嚕魚。朋友冇為意就食左舊先發現黎錯左，而我地都冇諗住退餐。但因為咕嚕魚比咕嚕肉平一蚊，所以就有以下對話：-我哋：「咕嚕魚同咕嚕肉好似係唔同價錢？」傳菜店員唔知做咩燥左：「價錢係一樣嫁，冇所謂啦，得嫁喇。」我地幾個即刻打咗個突，然後話：「咕嚕魚應該係平一蚊喎。」另一個點餐店員冇啦啦衝埋黎好惡咁講：「咁你哋啱唔啱食？」（語氣係如果我地答唔啱食就係我地錯咁）傳菜店員都同時話：「價錢係差唔多嫁」我地：「係差唔多，但係差一蚊喎」傳菜店員：「得啦，你之後埋單俾返一蚊你囉」P.S佢地呢幾句野語氣都好差，真心冇誇大，自問受過澳牛訓練-其實呢，我諗傳菜店員原本就係想話「價錢差唔多，只係差一蚊，埋單嘅時候俾返一蚊你」但因為佢由頭到尾都唔知燥d咩同急d咩，搞到我地一開頭get錯佢想當冇左件事，但呢個都不是重點。-重點係個咕嚕魚係佢哋送錯嚟，但佢地一句唔好意思都冇，仲要態度極差咁對返我地。其實我地本來就冇責怪佢哋
-
但
-
店員服務態度真係世界級！由點菜，傳菜，至到埋單，果幾位店員態度都惡劣到令我震驚。其實係幾佩服成間餐廳既店員們都統一地服務態度差
-
首先我地係叫左咕嚕肉，點知佢黎左咕嚕魚。
朋友冇為意就食左舊先發現黎錯左，而我地都冇諗住退餐。但因為咕嚕魚比咕嚕肉平一蚊，所以就有以下對話：
-
我哋：「咕嚕魚同咕嚕肉好似係唔同價錢？」
傳菜店員唔知做咩燥左：「價錢係一樣嫁，冇所謂啦，得嫁喇。」
我地幾個即刻打咗個突，然後話：「咕嚕魚應該係平一蚊喎。」
另一個點餐店員冇啦啦衝埋黎好惡咁講：「咁你哋啱唔啱食？」（語氣係如果我地答唔啱食就係我地錯咁）
傳菜店員都同時話：「價錢係差唔多嫁」
我地：「係差唔多，但係差一蚊喎」
傳菜店員：「得啦，你之後埋單俾返一蚊你囉」
P.S佢地呢幾句野語氣都好差，真心冇誇大，自問受過澳牛訓練
-
其實呢，我諗傳菜店員原本就係想話「價錢差唔多，只係差一蚊，埋單嘅時候俾返一蚊你」
但因為佢由頭到尾都唔知燥d咩同急d咩，搞到我地一開頭get錯佢想當冇左件事，但呢個都不是重點。
-
重點係個咕嚕魚係佢哋送錯嚟，但佢地一句唔好意思都冇，仲要態度極差咁對返我地。
其實我地本來就冇責怪佢哋黎錯餸嘅意思，亦都冇諗住叫佢送返碟岩既餸俾我地，我哋只係想改返張單或者睇下有冇其他處理方法…
所有嘢其實都係態度問題，只要佢態度好，就算唔俾返一蚊我 我都完全冇問題
-
總結，野食又唔係特別出色，但服務態度又咁差，北角有咁多餐廳，點解仲要貼錢買難受？
張貼
