影片
更多
2009-08-19
119 瀏覽
6月27日, 夜晚去咗灣仔街市, 呀菲因為要食得清d, 所以揀咗呢度幾出名嘅素食店, 當然, 呢度大部份食客都係食隔離嘅大排檔, 根記只有幾張枱, 兼食嘅人唔多…::: 鮮茄素雞絲燴飯 ::: $30鮮茄素雞絲嘅份量直情多過飯, 非常足料~ 鮮茄, 青紅燈籠椒, 加埋素雞絲都幾好味, 味道比較清淡, 個汁都幾清, 完全唔似係街嘅味精飯, 好有住家feel~鮮茄量十分多, 好清甜令到個飯好開胃, 素雞絲而食得出雞嘅質地, 十分高水準~::: 欖菜野菌炆豆腐 ::: $38店鋪嘅推介菜之一, 所以叫黎試下~ 味道好似羅漢齋嘅獻, 欖菜野菌味道都十分濃, 送飯一流~! 另外仲有翠玉瓜同紅椒, 都十分入味~ 而個豆腐就唔太入味, 可能d豆腐太大舊, 裏面比較淡味, 不過好好咬~ 可以一試~!要一提嘅係, 落咗單之後要等大慨20分鐘先有得食, 因為係即叫即整, 就算order唔多都係咁, 一定要有耐性, 否則勸大家唔好黎. 不過等下都係值嘅~ 老闆娘都十分好人, 可能得閒卦, 周圍同人傾計~ 喺大排檔林立嘅灣仔街市, 根記就好似森林裏面各肉食猛獸中嘅素食者~
::: 鮮茄素雞絲燴飯 ::: $30
鮮茄素雞絲嘅份量直情多過飯, 非常足料~ 鮮茄, 青紅燈籠椒, 加埋素雞絲都幾好味, 味道比較清淡, 個汁都幾清, 完全唔似係街嘅味精飯, 好有住家feel~鮮茄量十分多, 好清甜令到個飯好開胃, 素雞絲而食得出雞嘅質地, 十分高水準~
::: 欖菜野菌炆豆腐 ::: $38
店鋪嘅推介菜之一, 所以叫黎試下~ 味道好似羅漢齋嘅獻, 欖菜野菌味道都十分濃, 送飯一流~! 另外仲有翠玉瓜同紅椒, 都十分入味~ 而個豆腐就唔太入味, 可能d豆腐太大舊, 裏面比較淡味, 不過好好咬~ 可以一試~!
要一提嘅係, 落咗單之後要等大慨20分鐘先有得食, 因為係即叫即整, 就算order唔多都係咁, 一定要有耐性, 否則勸大家唔好黎. 不過等下都係值嘅~ 老闆娘都十分好人, 可能得閒卦, 周圍同人傾計~ 喺大排檔林立嘅灣仔街市, 根記就好似森林裏面各肉食猛獸中嘅素食者~
張貼
