大勝軒丸一 (金星閣) (已結業)

今日趁過海去附近做野，就想去呢間試下沾麵，都有見到食評話安排坐位有問題，諗住12:00去應該唔太多人呱，就即管試試，我去到時門口無人等，望去入去吧枱5座位坐了3個客，普通枱二人的有兩三張係無人既，諗住似有位就入去，煮麵既師傅問我幾位（態度麻麻），我話1位，佢話無位叫我出面等，果下都再望一望店內，咁我照係出面等，期間我行去隔離店望下有乜食再行番去時就有兩個人行入去，就即安排位，咁我繼續係門口等，之後再有兩個入，又即安排位，我就入去問我1位點解唔比我入先，女侍應答我1位未有位，又叫我係出面等，等左陣又有兩母子行入去，女侍應就叫佢地出面等，跟住女侍應問我幾位，我話1位，佢好搞笑地話：你排第一個位就唔好行開啦，有位比你！我果下忍唔住：我一直都係度等，係你地叫晒二人既入去！佢見我發火先稍為好禮貌少少，叫我等等！到我入去時都係安排二人位比我，跟本佢地自己安排有問題，仲要怪個客！至於食品我就覺一般，沾麵汁好咸，雖然唔係味精果隻咸，但都要狂飲水，所以試一次就夠了。