叙苑粉麵茶餐廳

營業中

休息中

今日放工早咗返屋企， 有啲肚餓，揸車上到慈雲山， 突然好想食魚蛋河， 所以轉入宏景花園停車場，發現原來有30分鐘免費 泊車， 於是馬上落車直衝去敘苑茶餐廳，並高速落單，叫碗魚蛋河及凍檸茶。約6至7分鐘，就有得食，好快，碗粉熱辣辣，廚師將新鮮嘅蔥粒用 匙羹分開擺，魚蛋是一粒粒的白魚蛋及幾塊炸魚片，白魚蛋彈口，魚片炸過好香口，而河都幼滑， 吃了幾啖，再飲涷檸檬茶，感覺很暢快，茶味亦濃郁，又不會太甜，加上檸檬嘅清香， 與魚蛋河非常合襯， 唯一不足嘅地方是價錢略貴(39蚊)， 但附近冇其他食肆，39蚊都算可以接受。再看看這間茶餐廳亦有不少小菜款式，下次晚上有機會，再同太太再來試試炒餸食飯。