小倆口台式漢堡蛋餅專賣店 (已結業)

今日星期一，唔係好肚餓，自己一個又冇帶飯又唔知去邊度食，就試下哩間台灣蛋餅小店啦！鋪頭比較舊，如果裝修可以靚d就更加舒服。老闆好熱情請我就坐，餐牌好簡單，一眼就望晒，當然我就試佢地招牌嘅吞拿魚配肉鬆蛋餅！其他嘢食都好似唔錯喔！蛋餅黎到份量有6塊，餡料多到爆晒出黎。可能吞拿魚係預先撈好放係雪櫃，所以唔係好熱到入心，但份量係足夠嘅。見到仲有類似蜜糖淋左少少係上面，令蛋餅帶甜味。唔好以為佢細細份唔會飽，原來食落都有飽足感！可以配奶茶或者柚子蜜，我怕我腸胃敏感所以揀左柚子蜜，老闆好細心將渣隔開，臨走仲提醒我攞遮添！