火箭餐廳

營業中

休息中

去開主題樂園就知道，入邊嘅嘢食一定好貴，質素都未必一定好添。咁今日就去咗食迪士尼樂園入面嘅火箭餐廳，主要係因為冇乜餐廳開，少咗選擇，所以就貪佢便，想便便哋醫肚就算。咁我就叫左個魚寶餐，份量都算充足。一共有六舊大過麥樂雞size嘅炸魚塊，隔離有啲薯條，不過就唔好期望佢會好好味，正常發揮，下面嗰啲放耐左有啲林。八折左之後$92，對我來講就食得飽嘅，有埋杯嘢飲，我叫左嗰可樂，佢係杯裝嘅，不過杯嘢飲唔係溝淡咗嘅可樂，大家可以放心。總括而言，如果想喺迪士尼食得便啲，又對飲食冇乜要求，可以去試吓火箭餐廳。