雲吞仔 (已結業)

有時經過牛池灣依間雲吞麵舖，都見到有人係門口包雲吞，不其然會有種想試下既念頭。依日經過彩虹唔知食咩時，就想起依間雲吞麵舖😁黎到我地揀左坐出面，因為唔係夏天，所以冇冷氣都可以😎見到個餐牌時有d爭扎，究竟食招牌雲吞好，還是竹笙香菇瘦肉餃，因為我好鐘意食竹笙呢😋最後我揀左我既至愛- 竹笙香菇瘦肉餃米粉，老公叫左個牛腩筋河加可樂。黎到見到 d 餃好大隻，而且皮薄，有好濃郁的菇味，而且加左木耳，啖啖咬落爽口，可惜我食唔到竹笙，因為竹笙其實冇咩味😜老公叫個牛腩筋麵，筋滑又唔靭，腩肉都算林😋如果下次再黎就要試下佢個招牌雲吞😎😎