岩盤牛扒 ミディアムレア ステーキ (博文街) (已結業)

有時候喜歡簡簡單單一點的小店，不用考慮太久要點什麼菜。而一向喜歡鋸扒的我，發現咗一間好正嘅小店啦。呢度淨係有牛扒食，仲只係得三款俾你揀，肉眼，西冷同牛柳。揀咗你要嘅款式之後，就會由店員姐姐幫你即時切出嚟，再磅下價錢係幾多，大約都係300g左右。跟住就會即刻燒，再放喺差唔多有300度熱嘅石板上面。肉眼肉味濃，加小小鹽已經好好味。不過大家要留意下，落單講幾成熟嘅時候唔可以講得太熟，因為之後放上石板上面，仲會令個牛扒熟度再多啲。而且仲可以加錢加埋飯，湯，沙律，飲品。彈性非常大