影片
更多
2021-09-01
406 瀏覽
我返工間唔時會去「餃掂」太子總店食晏，呢日去開西環尾買嘢，行經先知原來佢都喺呢區插咗旗⛳️。出面落緊雨，廢事行嚟行去就入去食個快飯吧。西環店裝修簡約，餐枱排列整齊，冷氣充足👍，整體感覺同太子總店好唔同，呢度似主力做街坊生意。唔同分店嘅餐牌都大同小異，餃子以外仲提供多種小食。定價方面，我認為係比市面上其他餃子店較高，但要食到飽人均消費一百蚊內搞得掂，所以都OK👌。至尊松茸豬肉餃($79/8隻煎餃)，🥟餃子好大隻，外層煎至金黃色，微微脆。由於餃皮厚，所以肉餡唔易穿。豬肉餡夾雜住松茸，香味頗出，但略嫌少咗菜粒爽爽嘅口感。隨餃子奉送一碗狀元九鼎湯，冇落味精，口味偏清淡。重慶鮮肉雲吞($40/12隻)，個人鍾意呢種小雲呑多過餃子，因為雲呑皮好滑溜，而且細細粒一啖食得哂。呢個大小讓人不知不覺間食咗好多粒，食上癮，四十蚊有一打好抵食。湯底有得揀辣度🌶，我哋要咗小辣，香麻多過辛辣，好惹味。四川涼麵($30)，涼麵雖然無餸，但都好足料，花生粒鋪滿面。🍜麵條幼身，爽彈唔笠口，撈辣汁或麻醬食一樣得，得咗。小朋友先選擇，我就兩樣都要。蜜餞雞翼($24)，雞翼幾正，外脆內嫩，早知嗌五隻啦🍗。蜜餞味道甜絲絲，甜度無
西環店裝修簡約，餐枱排列整齊，冷氣充足👍，整體感覺同太子總店好唔同，呢度似主力做街坊生意。
唔同分店嘅餐牌都大同小異，餃子以外仲提供多種小食。定價方面，我認為係比市面上其他餃子店較高，但要食到飽人均消費一百蚊內搞得掂，所以都OK👌。
至尊松茸豬肉餃($79/8隻煎餃)，🥟餃子好大隻，外層煎至金黃色，微微脆。由於餃皮厚，所以肉餡唔易穿。豬肉餡夾雜住松茸，香味頗出，但略嫌少咗菜粒爽爽嘅口感。隨餃子奉送一碗狀元九鼎湯，冇落味精，口味偏清淡。
重慶鮮肉雲吞
$40
23 瀏覽
1 讚好
0 留言
四川涼麵
$30
14 瀏覽
0 讚好
0 留言
蜜餞雞翼
$24
20 瀏覽
0 讚好
0 留言
上湯松茸時蔬($32)，上湯油菜一碟，菜芯嫩綠💚，但碟菜嘅重點應該係上面幾片松茸，佢嘅香氣真係同普通菇唔同。
飲品方面，我哋要咗自家製山楂雪梨水($28/支)同埋蜂蜜檸檬薏米水($28/支)，我並唔係第一次飲，而飲品嘅水準好穩定👍。兩款味道都好清潤，唔太甜，既好飲又健康。
題外話，每枱都放有一大甖醃漬蘿蔔，以供任食，但其實都食唔到幾多，哈哈。不過開餐前，先啪返一兩粒開胃都好吖🤤。
總括嚟講，簡簡單單餃掂又一餐，食物口味大眾化，餃子同麵食都係香港人經常食嘅菜式。餐廳嘅餃子有超過十款口味，但可惜唔係款款都可以雙併，如果彈性高啲就好嚕🙏🏻。
張貼
