影片
更多
2021-07-12
1163 瀏覽
💡米線關注組遺漏左嘅隱世米線小編係一個米線控，經常去唔同地方食米線。今次係由住長沙灣嘅朋友推介街坊至愛米線😋🍽 豬大腸腩肉酸辣濃湯小鍋米線由於第一次食，所以小編order左微辣酸辣濃湯試下先。識食就一定先試湯底先，飲完第一啖，真係不禁「嘩」左一聲，因為湯既味道同平時出面食開嘅酸辣米線好唔同，肉味濃郁，仲有陣奶香味，又唔會太酸，非常特別。最重要係食完唔覺口乾，唔係味精湯底！豬大腸份量有好多，有咬口得黎，唔會過份韌，而且好入味。最主要係一啲都唔肥，原來係姐姐好細心將每一舊入面多餘既脂肪整走，所以怕肥既人都可以食番幾舊。而腩肉份量都好多，雖然細細舊，但都厚身，容易入口，但小編認為如果腩肉瘦小小會更好。🍽 雞絲麻辣濃湯小鍋米線麻辣湯好濃郁，有肉味，感覺似拉麵湯底嘅感覺。雖然order左微辣，但麻味都夠，食完嘴唇都有小小痺🤣米線偏腍身，完全係小編杯茶！雞肉鮮嫩又滑，有大陣酒味，相信店舖用左好多心機醃肉！😋😚🍽凍檸茶 & 凍奶茶檸茶表現正常！反而奶茶有驚喜🤩 奶同茶配搭得啱啱好！整體性價比都幾高！推介俾大家😋😋ps/提提大家，小店下午四點至六點係落場時間，要食既朋友仔就要留意啦！味道：⭐⭐⭐⭐️⭐️服
💡米線關注組遺漏左嘅隱世米線
小編係一個米線控，經常去唔同地方食米線。今次係由住長沙灣嘅朋友推介街坊至愛米線😋
🍽 豬大腸腩肉酸辣濃湯小鍋米線
豬大腸腩肉酸辣濃湯小鍋米線
62 瀏覽
0 讚好
0 留言
豬大腸腩肉酸辣濃湯小鍋米線
49 瀏覽
0 讚好
0 留言
由於第一次食，所以小編order左微辣酸辣濃湯試下先。識食就一定先試湯底先，飲完第一啖，真係不禁「嘩」左一聲，因為湯既味道同平時出面食開嘅酸辣米線好唔同，肉味濃郁，仲有陣奶香味，又唔會太酸，非常特別。最重要係食完唔覺口乾，唔係味精湯底！
豬大腸份量有好多，有咬口得黎，唔會過份韌，而且好入味。最主要係一啲都唔肥，原來係姐姐好細心將每一舊入面多餘既脂肪整走，所以怕肥既人都可以食番幾舊。而腩肉份量都好多，雖然細細舊，但都厚身，容易入口，但小編認為如果腩肉瘦小小會更好。
🍽 雞絲麻辣濃湯小鍋米線
雞絲麻辣濃湯小鍋米線
49 瀏覽
0 讚好
0 留言
雞絲麻辣濃湯小鍋米線
45 瀏覽
0 讚好
0 留言
麻辣湯好濃郁，有肉味，感覺似拉麵湯底嘅感覺。雖然order左微辣，但麻味都夠，食完嘴唇都有小小痺🤣米線偏腍身，完全係小編杯茶！雞肉鮮嫩又滑，有大陣酒味，相信店舖用左好多心機醃肉！😋😚
🍽凍檸茶 & 凍奶茶
檸茶表現正常！反而奶茶有驚喜🤩 奶同茶配搭得啱啱好！
整體性價比都幾高！推介俾大家😋😋
ps/提提大家，小店下午四點至六點係落場時間，要食既朋友仔就要留意啦！
味道：⭐⭐⭐⭐️⭐️
服務：⭐️⭐️⭐️
環境：⭐️⭐️
張貼
