影片
更多
2021-10-06
452 瀏覽
服務公司多年嘅同事準備離職，老闆吹雞搞個farewell dinner，仲推介我哋去呢間米芝蓮推薦嘅井巷子，我哋幾個貧民窟長大嘅九龍人，就跟住老闆嚟見識吓。入面嘅裝潢都甚有氣派，而呢度每道菜個名都幾特別，用嘅食材都大有來頭。平時食川菜比較多用嘅都係花椒做麻辣菜式，而呢個藤椒醬香雞就用上綠色嘅藤椒醬，藤椒具有花椒所没有的獨特香味，麻味則較花椒柔和，雞肉用上雞髀肉切柳條，作為前菜非常開胃。第二道菜名為諾鄧鹽向日葵甘栗豚燒腩仔，原來「諾鄧」係位於雲南大理白族自治州雲龍縣深山裡，係一個有上千年歷史的白族村寨。諾鄧村民長期以煮鹽為生，造就了名揚海外的諾鄧鹽。而燒腩仔特別嚴選諾鄧鹽，再加上係用甘栗餵飼嘅豚肉製作，鹹度、肥瘦適中，入口特別甘香，令人回味。平時坊間食到嘅片皮鴨通常都係夾配青瓜同京蔥，而井巷子片皮鴨就相當有特色，特別配上金奇異果和哈蜜瓜，鮮果微酸之中帶點甜，配合片皮鴨嘅油香，別有一番風味。店員仲會提供一份介紹片皮鴨嘅小冊子，介紹佢哋嘅建議食法，所以就算見到唔同嘅食材都可以不慌不忙咁做出靚靚嘅片皮鴨卷，唔會手忙腳亂。用蕃茄喺中式湯水入面做主角比較少見，呢個蕃茄蛋花花膠湯感覺有啲似蕃茄炒蛋嘅
入面嘅裝潢都甚有氣派，而呢度每道菜個名都幾特別，用嘅食材都大有來頭。平時食川菜比較多用嘅都係花椒做麻辣菜式，而呢個藤椒醬香雞就用上綠色嘅藤椒醬，藤椒具有花椒所没有的獨特香味，麻味則較花椒柔和，雞肉用上雞髀肉切柳條，作為前菜非常開胃。
藤椒醬香雞
$138
23 瀏覽
0 讚好
0 留言
諾鄧鹽向日葵甘栗豚燒腩仔
$195
52 瀏覽
0 讚好
0 留言
井巷子片皮鴨
$350
25 瀏覽
0 讚好
0 留言
用蕃茄喺中式湯水入面做主角比較少見，呢個蕃茄蛋花花膠湯感覺有啲似蕃茄炒蛋嘅味道，加入咗真材實料嘅花膠絲，整個感覺提升不少。
熗炒青城臘肉菜花中嘅所謂「熗炒」就係用熱油將花椒、乾辣椒、蒜片的味道熗出來，然後再放蔬菜入油後將麻辣鮮香滲透入蔬菜内，所以鹹肉同椰菜花都充滿淡淡嘅麻辣油香。
熗炒青城臘肉菜花
$148
24 瀏覽
0 讚好
0 留言
開頭都俾呢個重慶水煮牛肉牛脷嘅賣相嚇親，以為會辣得噴火，但其實只係小辣嘅效果，入面嘅牛肉同牛脷相當多，我輕輕一撈起已經充滿着牛肉同牛脷。個人認為牛脷比牛肉嘅口感更豐富，厚厚嘅牛脷煮得夠腍身，而且更加入味，味道絕對令人試完想再試。
期間仲試咗佢哋自家製嘅竹蔗馬蹄甘荀粟米鬚水，飲落夠晒滋潤又唔會太甜，食完辣之後飲番杯就最適合不過。
龍蝦球麻婆豆腐伴炸饅頭配搭新穎，平凡嘅麻婆豆腐加入龍蝦球之後令口感更豐富，我更加冇諗過炸饅頭除咗點煉奶之外，仲可以蘸點麻婆豆腐嘅醬汁，味道令人驚喜。
甜品鮮雜果土紅糖冰粉亦令我對冰粉有一個全新概念，平時食冰粉大概只有紅糖水作底，已經予人冰涼解辣嘅感覺，而佢嘅冰粉加入咗鮮果同松子仁，選用嘅亦都係屬於熱帶嘅水果，就更加有透心涼嘅感覺。
時令水果係北海道蜜瓜同香印提子，為呢一餐晚餐畫上完美句號。
張貼
