影片
更多
2021-05-11
852 瀏覽
之前見到網上介紹，攞過米芝蓮，話個Carbonara好正，個老闆串得嚟又幽默，一直都好想試，book咗兩個月，終於到我食😭睇吓佢值唔值得食啦！餐包🍞麵包好香，外脆內軟，配香草cream同檻欖油黑醋，香草cream好香，帶少少奶油同cheese味，好好食，而醋就比較油，點極都係點到油，好難點到醋，所以原本帶酸開胃都覺得太油。🍴 Handmade Tagliolini Carbonara $168一定要試佢個招牌菜，卡邦尼意粉使用意大利煙燻豬頰肉，再加入了羊奶和牛奶製的兩種芝士整成。Carbonara 一上枱，份量比較少，手工意粉食得出係有口感，每條意粉厚薄有少少唔同，有咬口，未去到彈牙，意粉好掛汁，幾乎包曬所有蛋汁。汁好濃稠，蛋味好清香，坦白講未去到好濃蛋味，芝士味係冇乜，整體感覺好清新好香蛋味，係好食嘅，真心比起係意大利食到嘅正宗Cabonara都仲有段距離。🍴Handmade Crab Roe Tortellini with Japanese Clam $280有十粒意大利雲吞，雲吞皮有口感，比意粉厚啲，帶少少煙韌，裏面包埋蟹肉，鹹鹹鮮鮮，仲食到蟹殻🦀真係用鮮蟹整喎😂食到蟹嘅鮮味，係
餐包🍞
麵包好香，外脆內軟，配香草cream同檻欖油黑醋，香草cream好香，帶少少奶油同cheese味，好好食，而醋就比較油，點極都係點到油，好難點到醋，所以原本帶酸開胃都覺得太油。
🍴 Handmade Tagliolini Carbonara $168
一定要試佢個招牌菜，卡邦尼意粉使用意大利煙燻豬頰肉，再加入了羊奶和牛奶製的兩種芝士整成。
Carbonara 一上枱，份量比較少，手工意粉食得出係有口感，每條意粉厚薄有少少唔同，有咬口，未去到彈牙，意粉好掛汁，幾乎包曬所有蛋汁。汁好濃稠，蛋味好清香，坦白講未去到好濃蛋味，芝士味係冇乜，整體感覺好清新好香蛋味，係好食嘅，真心比起係意大利食到嘅正宗Cabonara都仲有段距離。
🍴Handmade Crab Roe Tortellini with Japanese Clam $280
有十粒意大利雲吞，雲吞皮有口感，比意粉厚啲，帶少少煙韌，裏面包埋蟹肉，鹹鹹鮮鮮，仲食到蟹殻🦀真係用鮮蟹整喎😂食到蟹嘅鮮味，係好好食！
蜆肉都好重海水味，帶少少清甜，坦白講覺得比卡邦尼有驚喜，更好食。
🍨Creme Brûlée $78
配咗個紅莓gelato，個gelato 口感似雪芭(gelato口感應該更滑更重奶味，呢個碎冰口感)，第一啖食落偏酸，其後又帶少少甜，酸甜交集，紅苺味好出，幾香好開胃解膩，幾好食。
Brûlée 好好食！焦糖燒到微苦，香滑嘅蛋，好濃嘅雲尼拿，忌廉，奶味，唔會太甜，突出到蛋嘅香，真係絕配！
推薦指數: 8/10
服務態度好好，店員每上一道菜式都會講解，好nice，細心會自動加手，換碟，留意到食客嘅需要，食物質素都高，每樣都用心去做，都好好食😋值得去食一次！
Handmade Tagliolini Carbonara
$168
29 瀏覽
0 讚好
0 留言
Handmade Crab Roe Tortellini with Japanese Clam
$280
28 瀏覽
0 讚好
0 留言
Creme Brûlée
$78
13 瀏覽
0 讚好
0 留言
張貼
