第一腸粉專賣店

營業中

休息中

同男朋友7點幾o係太子, 好多餐廳都勁多人，就行入少少食多次第一腸粉。位於太子的第一腸粉曾是米芝蓮推介，都幾有期望。不過地方就比較入，但都易搵的。去到見到好多人都係一個人去食，一入到去自己搵位坐低，入面menu有的10隻手指數得哂。腸粉專門店係咁上下，我見兩個人又唔係太餓，就點少少試下，再轉場食下一餐！菜乾豬骨粥，好有家庭的味道，粥底好綿，加埋有幾舊咸香的豬骨，已經煲到好淋，骨帶著小小肉，又有腸原，我相信女士應該好鍾意。另外菜乾打碎左再煲，每一啖都好香，加埋鴨腎令個粥多左一份懷舊的感覺。豬潤有薑汁味，幾爽口，唔會好粉。而鴨絲無乜特別，普普通通。整體算係不過不失，腸粉勝在即叫即做，夠熱，而且平平地，係一個晚餐的最佳選擇。整體來講腸粉皮薄，餡又多，而且入面的餡都係出面茶樓冇得試的款式。見到好多人都叫第一腸粉，下次試下先。