軟橋米苔目餐廳 (已搬遷) 新店位置

朋友話深水埗有間台式野好食，係好奇心驅使下，就陪左佢出鴨記。買完佢係咁話帶我食「咪抬木」，我一直都唔知佢究竟講緊乜。直至我見到餐廳招牌先知原來係米苔目。講開米苔目，我台灣有朋友帶我食過，仲話好多台灣人都偏好食佢黎做早餐，估唔到連香港都食到。呢間餐廳既米苔目有別於台灣，台灣就多數係油蔥，清湯形式，而佢就有齊豬骨、沙嗲、冬蔭公、酸辣、麻辣、泡菜、方魚湯底，就連配料都廿幾樣。牛肉扎肉冬陰公湯米苔目墨魚丸雲吞酸辣米苔目由於米苔目係用米漿製成麵條，所以口感唔似其他麵條Q彈。值得欣賞係佢地既米苔目做到一食就化，仲有滿口既米香。而配料都唔馬虎，我非常推薦墨魚丸，彈牙到成粒乒乓波咁。酸辣湯底幾好味，唔似出面一味死鹹死酸死辣。麻辣牛肉朋友唔食得辣，要左小辣。牛肉熟而冇過老，感覺煮完有過冷河。醃得挺入味，蒜麻味都夠。食到辣建議試中辣或大辣。香煎脆皮肉餅估唔到咁脆，又香口又惹味。外面煎得好，裡面鎖得住肉汁。Ｑ彈豆腐食落夠Q彈，感覺似魚蛋多過豆腐，但又有豆腐既豆香同質感。外面加左少少椒鹽，食落異常香口。想食到古早味既朋友，不妨去試下。