星星 Pho Cha

營業中

休息中

有留意開韓流嘅朋友仔都應該知道，韓國人好鍾意一邊用餐一邊小酌怡情。雖然我同幾位姊妹都係韓迷，不過大家都酒量淺，即使係酒精濃度唔太高嘅米酒，都唔太受得。好在佢哋早前好細心為唔識會飲酒嘅女仔著想，推出果味米酒，等我都可以同班好姊妹微醉地談談心，同米酒嘅味道最match就係香蕉味，今晚喺呢度都飲到，好開心。有米酒相伴，就可以盡情食辣野，叫左碟辣炒八爪魚，八爪魚堆到滿滿的，咬落煙韌彈牙，香濃辣味中帶住鮮甜滋味，的確好辣好惹味，辣到噴火、辣得很爽，令人非常回味……再嚟大大碟韓式粉絲雞煲，好適合秋冬天食，熱辣辣香噴噴，大大件雞肉沾滿汁醬，無乜骨食得更開懷，粉絲勁有口感，飽肚感十足！