麻辣串串香 (已結業)

放假陪阿女去粉嶺睇戲，睇完戲係聯和墟四處逛逛，經過呢間麻辣串串香，被佢既麻辣串燒味吸引住，就同阿女入去食！入到店內，陣陣既麻辣好香令人覺得特別肚餓。除左串燒外，原來仲有重慶酸辣粉，同係深圳食個d一樣咁野咪，紅薯粉勁煙韌，小辣唔算太辣，阿女都食到幾啖。燒扇貝：燒完既扇貝係勁多汁而且好鮮味！阿女必點燒鷄泡魚干，香口野味，份量又多燒牛肉粒：香濃牛肉味，啖入多三汁。燒冬菇：冬菇新鮮。燒雞軟骨：勁香脆。燒金菇肥牛：金菇吸哂牛肉汁，好味！燒雞翼：我鍾意食，皮脆肉嫩！燒腎：爽口！芝士燒磨菇：芝士配磨菇，好西式，但味道好夾！燒牛仔骨：最正係切好一條條，方便食，牛肉味濃而且好淋！