Olbye (已結業)

今時今日香港嘅舖租同經商環境， 小店要生存真係一啲都唔易。呢間鋪對上一次幫襯應該已經係兩三年前， 呢日想喺青衣食西餐忽然之間諗起， 見到佢仲屹立不倒其實都幾感動 位處青衣泳池旁邊， 唔係地膽其實都未必知呢度有一間餐廳 。比較隱世所以好好坐，傾計hea下真係一流店面冇咩花巧裝修，用上粉紅粉藍色嘅椅坐得好舒服。價錢同兩三年前好似都冇咩分別， 一人叫咗一份set dinner， 南瓜餐湯打到好滑身 ，南瓜味濃郁黑松露豬鞍size正常 ，略嫌老咗少少有點鞋 ，黑松露汁味濃 值得一讚嘅係飲品用上紙飲管，為環保出一分力。 希望有心嘅小店可以繼續做落去啦