粵藝館 (時代廣場)

營業中

休息中

平時中菜就成日食，今次就嘗試左一個新菜單中菜配中式白酒。今次係《粵藝館》x《釣魚臺》聯成品酒之夜，當中包括左九道菜式配搭白酒。成晚認識咗好多新朋友，一齊食飯飲杯，享受左一個美好嘅夜晚。⚜️釣魚臺尊品酒由生產、貯存到出廠歷到需要經過至少五年以上，味道酒香濃郁，有淡淡的果香味，有菠蘿同埋話梅提煉嘅，用嚟配中餐就一流。⚜️燒無花菓天下第一豬呢個係粵藝館嘅招牌菜，佢係嚴選七至八星期嘅乳豬，肥瘦適中，燒到個皮脆卜卜，加埋無花果醬，味道更昇華。⚜️竹絲雞松茸螺頭炖花膠呢個湯真係好足料，大家見到我張相就知佢嘅花膠有幾大，成個湯係完全冇落過任何味精，因為螺頭同埋雞，成個湯都好鮮甜。⚜️香酥桶蠔伴陳醋有機菜揀選左肥美嘅桶蠔，超大隻厚肉，外面炸到好鬆脆，配搭左陳醋同埋有機菜，令到成個鮮味提升。⚜️松葉蟹肉帶子茶碗蒸茶碗蒸最重要就係口感幼滑，裏面材料非常豐富，上面重點綴左帶子同埋蟹肉，口感一流，成個蛋好鮮甜。⚜️雲呢拿雪糕配釣魚台酒呢個新穎嘅配搭我都係第一次試，食落嘅感覺有啲baileys,估唔到會有呢種化學作用，兩種極致嘅配搭，成為左一道高質嘅甜品。