影片
更多
2023-04-11
22 瀏覽
今次朋友介紹，去左佢屋企附近既小店飲啖茶食包。小店細細，但樓底高，而且落地玻璃，店內十分採光。重有玻璃紙阻隔，唔會俾太陽曬親👍🏻店內裝潢好有懷舊feel，有啲霓虹光管既裝飾。茶位真心街坊價5蚊位，開左壺鐵觀音，個茶壺重幾靚，可以打下卡。菜苗鮮蝦餃，勁大粒蝦，菜同蝦係1:9😂蝦肉彈牙，餃皮少少黏，比較軟身。鮮蝦滑腸粉， 每條都有兩粒蝦，大大隻，無韭黃，腸粉皮滑，配埋甜醬油，好食。京川酸辣雲吞，先講個酸辣汁，有少少酸，好開胃，辣算係小辣，上枱要自己再溝勻去，雲吞大細適中薄皮，餡有啲豬肉、木耳。另外再叫咗一個家鄉炒銀針粉，食落去似濕炒，有d豬肉絲、紅蘿蔔絲、芽菜，味道炒得幾香，係差左冬菇，但都好滿足，因為太少地方有銀針粉食到。配埋佢個辣椒油，超惹味。斑斕千層糕，又係比較少見既味着，熱辣辣上枱，勁軟熟，好香斑斕味。海帶綠豆沙，上枱唔算好熱，但就勁起沙，唔會水汪汪，甜道又唔會勁甜，超好食😋
茶位真心街坊價5蚊位，開左壺鐵觀音，個茶壺重幾靚，可以打下卡。
菜苗鮮蝦餃，勁大粒蝦，菜同蝦係1:9😂蝦肉彈牙，餃皮少少黏，比較軟身。
鮮蝦滑腸粉， 每條都有兩粒蝦，大大隻，無韭黃，腸粉皮滑，配埋甜醬油，好食。
京川酸辣雲吞，先講個酸辣汁，有少少酸，好開胃，辣算係小辣，上枱要自己再溝勻去，雲吞大細適中薄皮，餡有啲豬肉、木耳。
另外再叫咗一個家鄉炒銀針粉，食落去似濕炒，有d豬肉絲、紅蘿蔔絲、芽菜，味道炒得幾香，係差左冬菇，但都好滿足，因為太少地方有銀針粉食到。配埋佢個辣椒油，超惹味。
斑斕千層糕，又係比較少見既味着，熱辣辣上枱，勁軟熟，好香斑斕味。
海帶綠豆沙，上枱唔算好熱，但就勁起沙，唔會水汪汪，甜道又唔會勁甜，超好食😋
張貼
