影片
更多
2022-09-10
3072 瀏覽
米芝蓮一星法國菜 BELON初次造訪就成功係餐廳嘅心臟地帶Kitchen Counter用餐，可以超近距離觀賞烹調過程，完全感受到廚師對食物嘅執著！每一道菜都相當精緻！尤其係第三張相嘅Japanese fruit tomato！精準到勁似用電腦整完print岀黎，無論係賣相定味道都好impressive！廚師岀菜前都會用盞燈照住每一道菜，仔細驗查完先岀餐。Kitchen counter只得四個座位，想坐嘅記得預早book啦！而岀面嘅dining area就走暗黑路線，裝潢有格調，輕快嘅音樂令氛圍唔會太拘謹。今次食嘅tasting Menu就有十道菜，每一道擺盤都充滿心思 (好多時齋睇外表都估唔到係乜)，味道仲好有層次添~ 更可搭配wine pairing。除左紅白酒香檳，仲有我好鍾意嘅加烈甜酒！聞落好似好strong咁，但飲落又唔會好辣，甜度亦唔會太高，重點係32L hourglass真係超IGable✨Tasting Menu with wine pairing $2288pp🍾A. MARGAINE "LE BRUT" BRUT NY1️⃣Crispy Potato with Parm
初次造訪就成功係餐廳嘅心臟地帶Kitchen Counter用餐，可以超近距離觀賞烹調過程，完全感受到廚師對食物嘅執著！每一道菜都相當精緻！尤其係第三張相嘅Japanese fruit tomato！精準到勁似用電腦整完print岀黎，無論係賣相定味道都好impressive！廚師岀菜前都會用盞燈照住每一道菜，仔細驗查完先岀餐。
Kitchen counter只得四個座位，想坐嘅記得預早book啦！而岀面嘅dining area就走暗黑路線，裝潢有格調，輕快嘅音樂令氛圍唔會太拘謹。今次食嘅tasting Menu就有十道菜，每一道擺盤都充滿心思 (好多時齋睇外表都估唔到係乜)，味道仲好有層次添~ 更可搭配wine pairing。除左紅白酒香檳，仲有我好鍾意嘅加烈甜酒！聞落好似好strong咁，但飲落又唔會好辣，甜度亦唔會太高，重點係32L hourglass真係超IGable
✨Tasting Menu with wine pairing $2288pp
🍾A. MARGAINE "LE BRUT" BRUT NY
1️⃣Crispy Potato with Parmesan and Madeira
空心嘅炸薯球外殼偏硬脆，入面嘅Parmesan mousse無想像中fill得咁滿，勝在芝士鹹香突出
2️⃣Foie Gras Tartlet with Sauternes
好fancy嘅鴨肝撻！撻皮薄薄一層香脆鬆化，鴨肝mousse軟滑濃郁唔會過鹹。中間有法式甜酒啫喱作點綴，滲入酒香之餘，唔會搶過鴨肝嘅風頭，幾有層次
🥂DOMAINE DES ORCHIS "QUINTESSENCE D'ALTESSE" ROUSSETTE DE SAVOIE 2019
3️⃣Cured Tasmanian Ocean Trout with Horseradish and Dill
睇個樣仲以為係餃子！原來係用左爽口嘅白蘿蔔片包住鱒魚他他。底下嘅pickle令魚鮮更突岀之餘，亦令成件事更清新。鱒魚刺身厚切帶鹹鮮，面頭有脆脆魚皮增添口感，仲可以蘸埋辣根醬一齊食，齋食刺身都唔會覺得好單調~
4️⃣Japanese Fruit Tomato with Black Truffle
全晚最鍾意嘅一道！完全想像唔到chef點樣𠝹一塊塊菱形嘅truffle岀黎！紅色嘅其實係由fruit tomato製成嘅啫喱，而底下就有薄薄一層嘅黑松露custard。初初入口蕃茄味突出，繼而黑松露慢慢跑岀，兩者相當balanced，酸甜清新~ 旁邊仲配左超香脆嘅蒜蓉麵包同埋超多汁超重番茄味嘅fruit tomato + fresh truffle！Truffle custard同番茄單食又得，配多士又得，點食都咁清新
5️⃣Cannelloni of Tiger Prawn
Cannelloni of Tiger Prawn
39 瀏覽
0 讚好
0 留言
層次感好豐富嘅一道！最外邊其實係一塊pasta dough，中間就填滿左綿滑海鮮mousse同爽彈虎蝦。最上層仲舖左香脆炸薯仔絲同魚子醬~ 食嘅時候一定要蘸埋個sauce！醬汁用上蝦頭蝦殼熬製，加上洋蔥、茴香、番茄等多種材料，鹹鮮帶橙香
🍷DOMAINE DES CLOSERS "LES COUDRAIES" SAUMUR-CHAMPIGNY 2019
6️⃣Brittany St. Pierre with Clam and Courgette
估唔到一塊魚擺盤都可以咁靚！黃綠交錯嘅脆肉瓜完美掩蓋多利魚。魚肉肉質紮實無骨，旁邊仲有飽滿嘅蜆肉同綿滑嘅corn royale~
7️⃣Pigeon with Jerusalem Artichoke and Pecan
Pigeon with Jerusalem Artichoke and Pecan
72 瀏覽
0 讚好
0 留言
好鍾意乳鴿嘅texture！肉質軟嫩有彈性。乳鴿經熟成，皮下釀左黑松露雞mousse，加上鴿皮本身嘅油香，一啖肉已經有幾重滋味！醬汁用上櫻桃汁、紅酒醋、黑加侖子酒等材料製成，微酸可以一解其油膩感
🍷MAS AMIEL MAURY 1985
8️⃣Rhum Baba with Mango蛋糕濕潤綿密富酒香，旁邊香甜多汁嘅芒果同綿滑芒果奶油相間，令口感味道更有層次
9️⃣Gâteau “Opéra” with coffee ice cream 🔟Strawberry Tartlet with Tonka
張貼
